प्रधानमन्त्रीसँग भेटेर चिनियाँ राजदूतले भने – नेपाली जनताको चाहानालाई सम्मान गर्छौं

काठमाडौँ । प्रधानमन्त्री सुशीला कार्कीसँग नेपालस्थित चिनियाँ राजदूत चेन सोङले भेटवार्ता गरेका छन् ।

अन्तरिम सरकार गठनपछि प्रधानमन्त्री कार्की र चिनियाँ राजदूतबीच प्रधानमन्त्री कार्यालयमा बिहीबार दिउँसो पहिलो औपचारिक भेटवार्ता भएको हो ।

भेटमा राजदूत सोङले चीनले सदैव नेपाललाई सहयोग गर्ने प्रतिबद्धता व्यक्त गरे । परराष्ट्र मन्त्रालयका अनुसार उनले असल छिमेकीको नाताले नेपाली जनताको चाहनालाई सम्मान गर्ने र सरकारलाई आवश्यक परेको अवस्थामा सहयोग गर्न चीन तत्पर रहेको स्पष्ट पारे ।

‘नेपाली जनताको चाहानालाई हामी सम्मान गर्छौं,’ राजदूत सोङले भने, ‘आगामी दिनमा पनि सहयोग गर्नेछौं। सरकारलाई के आवश्यक पर्छ, असल छिमेकीको नाताले हामी सहयोग गर्न तत्पर छौँ।’