घरायसी विवादमा श्रीमानले गरे श्रीमतीको हत्या

नुवाकोट । घरायसी विवाद बढेपछि शिवपुरी गाउँपालिका–७ का जीतमान तामाङले ४९ वर्षीया श्रीमतीको हत्या गरेका छन् ।

जिल्ला प्रहरी कार्यालयका प्रहरी नायब उपरीक्षक विक्रम लामाका अनुसार मंगलबार साँझ उनले खुकुरी हानेर श्रीमती सविनाको हत्या गरेका हुन् ।

सविनाको घटनास्थलमै मृत्यु भएको हो ।

तामाङलाई नियन्त्रणमा लिएर आवश्यक कारबाही थालिएको छ । अभियुक्तले आवेशमा श्रीमतीको हत्या स्वीकार गरेका छन् ।