इलामसहित विभिन्न जिल्लामा पाँच जना मृत अवस्थामा फेला
काठमाडौँ । इलामसहित मोरङ, धादिङ, धनुषा र सुनसरीका विभिन्न स्थानमा गरी पाँच जना व्यक्ति मृत अवस्थामा फेला परेका छन्।
इलामको सन्दकपुर गाउँपालिका-५, मझुवा बस्ने २८ वर्षीय प्रवेश गुरूङ सोही नगरपालिका-५, सेलेलेस्थित इङ्ला खोलामा मंगलबार मृत फेला परेका हुन्।
यता मोरङको पथरी शनिश्चरे नगरपालिका-५, हसन्दह बस्ने ६५ वर्षीय बिष्णु चौधरी सोही ठाउँस्थित आफ्नै खेतमा मंगलबार मृत भेटिएका छन्। धादिङको धुनीवेशी नगरपालिका-९, मरणघाटस्थित धान खेतमा नाम, थर र ठेगाना नखुलेका अन्दाजी ३५ वर्षीय पुरुष मंगलबार मृत अवस्थामा भेटिएका छन्।
यसैगरी धनुषाको विदेह नगरपालिका-९ स्थित नदीमा नाम, थर र ठेगाना नखुलेका अन्दाजी ४५ वर्षीय पुरुष पनि मंगलबार मृत अवस्थामा फेला परेका छन्। साथै, सुनसरीsJ बराहक्षेत्र नगरपालिका-११, मधुवन बजारमा नाम, थर र ठेगाना नखुलेका अन्दाजी ६५ वर्षीय पुरुष सोमबार मृत फेला परेका छन्।
प्रहरीले यी सबै घटनाहरूको सम्बन्धमा आवश्यक अनुसन्धान गरिरहेको जनाएको छ।
प्रकाशित मिति: २२ आश्विन २०८२, बुधबार
