ग्वार्कोमा मोटरसाइकल दुर्घटना हुँदा एक युवकको मृत्यु

ललितपुर । ललितपुरको ग्वार्कोमा मोटरसाइकल दुर्घटना हुँदा एक युवकको मृत्यु भएको छ।

आज बिहान ललितपुर महानगरपालिका १७ ग्वार्कोमा लु.५६ प १००३ नम्बरको मोटरसाइकल अनियन्त्रित भई दुर्घटना हुँदा चालकको मृत्यु भएको हो ।

मृत्यु हुनेमा लमजुङको भोटेवडार घर भएका ३४ वर्षीय नवराज अधिकारी छन्। दुर्घटनामा गम्भीर घाइते भएका उनको पाटन अस्पतालमा उपचारको क्रममा मृत्यु भएको हो।

दुर्घटनाबारे थप अनुसन्धान भइरहेको प्रहरीले जनाएको छ।