प्रहरी प्रभाग साँखुमा आगजनी गर्ने दुईजना समातिए
काठमाडौं । जेनजी आन्दोलनको क्रममा प्रहरी प्रभाग साँखुमा आगजनी तथा प्रहरीमाथि कुटपिटमा संलग्न दुई जना पक्राउ परेका छन् ।
पक्राउ पर्नेमा मकवानपुरको मकवानपुरगढी गाउँपालिका-३ घर भई हाल काठमाडौंको शंखरापुर नगरपालिका-७ बस्ने ४३ वर्षीय प्रल्हाद दाहाल र शंखरापुर नगरपालिका-३ घर भएका ४७ वर्षीय सानुकान्छा वाइबा छन् ।
उनीहरुलाई नियन्त्रणमा लिएर प्रहरी वृत्त बौद्ध पठाइएको छ ।
उनीहरुमाथि थप अनुसन्धान भइरहेको प्रहरी प्रभाग साँखुले जनाएको छ ।
प्रकाशित मिति: ९ कार्तिक २०८२, आइतबार
