चिर्पट प्रहार गरी छोराले गरे ६९ वर्षीय बुबाको हत्या
पाँचथर। पाँचथरमा छोराले बुबाको हत्या गरेको खुलेको छ ।
जिल्लाको हिलिहाङ गाउँपालिका-१ फेदापाका ६९ वर्षीय युवराज राईको ३१ वर्षीय सन्देश राईले हत्या गरेको खुलेको हो ।
युवराज आइतबार बिहान १०ः३० बजे घरदेखि करिब ५०० मिटर उत्तरतर्फ करेसाबारीमा मृत फेला परेका थिए । मृत युवराजको शरीरका विभिन्न भागमा चोटपटक देखिएपछि हत्याको आशङ्कामा प्रहरीले अनुसन्धान अघि बढाएको थियो ।
प्रारम्भिक अनुसन्धानमा युवराजका कान्छा छोरा सन्देशले चिर्पट प्रहार गरी हत्या गरेको बाबुको हत्या गरेको खुलेको जिल्ला प्रहरी कार्यालय पाँचथरले जनाएको छ ।
प्रहरीले सन्देशलाई पक्राउ गरी थप अनुसन्धान अघि बढाएको छ ।
युवराजको शव कानुनी प्रक्रिया पूरा गरी परीक्षणका लागि जिल्ला अस्पताल फिदिम पठाइएको छ ।
घटनाबारे थप अनुसन्धान भइरहेको र हत्याको कारण खुल्न बाँकी रहेको पाँचथर प्रहरीले जनाएको छ ।
प्रकाशित मिति: १७ कार्तिक २०८२, सोमबार
