एनपीएलमा आज विश्राम, भोलि दुई खेल

काठमाडौं । नेपाल प्रिमियर लिग (एनपीएल) अन्तर्गत आज कुनै पनि खेल सञ्चालन हुने छैनन् ।

नेपाल क्रिकेट संघले सार्वजनिक गरेको खेल तालिकाअनुसार खेलाडीहरूको थकान व्यवस्थापन र मैदान मर्मतका लागि आजको दिनलाई ‘विश्राम दिन’ का रूपमा राखिएको छ ।

भोलि मंगलबार भने दुई खेल हुनेछन्। भोलि बिहान ११ः४५ बजे हुने पहिलो खेलमा जनकपुर बोल्ट्स र चितवन राइनोजबीच प्रतिस्पर्धा हुनेछभने अपराह्न ४ः०० बजे हुने दोस्रो खेलमा कर्णाली याक्सले पोखरा एभेन्जर्सको सामना गर्नेछ ।

जारी अंकतालिका अनुसार भोलिको खेल विशेष गरी जनकपुर बोल्ट्सका लागि ‘गर वा मर’ को स्थितिमा छ ।