भालुको आक्रमणबाट दुई जना गम्भीर घाइते
रसुवा। रसुवामा जङ्गली भालुको आक्रमणबाट दुई जना गम्भीर घाइते भएका छन् ।
भालुको आक्रमणबाट घाइते हुनेमा नौ कुण्ड गाउँपालिका-५ खाल्चेतका ६५ वर्षीय मानबहादुर तामाङ र कालिका गाउँपालिका–५ डिगाउँका ५० वर्षीय शिवप्रसाद गजुरेल रहेका छन्।
उनीहरूलाई आज बिहान मात्रै भालुको आक्रमणमा परेका हुन् ।
घाँस काट्दै गरेको अवस्थामा लाङ्टाङ राष्ट्रिय निकुञ्जको जङ्गलबाट निस्केको भालुले आक्रमण गरेको थियो ।
भालुले आक्रमण गरेपछि स्थानीयस्तरमा प्राथमिक उपचार पश्चात् थप उपचारका लागि काठमाडौं पठाइएको रसुवा प्रहरीले जनाएको छ ।
प्रकाशित मिति: २२ मंसिर २०८२, सोमबार
