६० जिल्लाको मतपत्र छपाइ सकियो, २५ जिल्लाको प्याकिङ
काठमाडौँ, माघ २३ । आगामी फागुन २१ गते हुने प्रतिनिधिसभा निर्वाचनका लागि मतपत्र छपाइको काम अन्तिम चरणमा पुगेको छ ।
निर्वाचन आयोगका अनुसार विभिन्न २५ जिल्लाको प्रत्यक्षतर्फको मतपत्र प्याकिङ समेत भइसकेको छ ।
आयोगले उपलब्ध गराएको विवरणअनुसार डोल्पा, मुगु, जुम्ला, कालिकोट, हुम्ला, जाजरकोट, दैलेख, रुकुम (पश्चिम भाग), सल्यान, सुर्खेत, बाजुरा र अछामको मतपत्र छपाइ र प्याकिङको काम सम्पन्न भएको छ।
यस्तै, बझाङ, डोटी, डडेल्धुरा, दार्चुला, बैतडी, कैलाली, कञ्चनपुर, पाँचथर, इलाम, तेह्रथुम, भोजपुर, ओखलढुङ्गा, सुनसरी गरी जम्मा २५ जिल्लाको मतपत्र छपाइ र प्याकिङ सम्पन्न भइसकेको छ ।
साठी जिल्लाको मतपत्र पनि छपाइ सम्पन्न भइसकेको छ तर, प्याकिङको काम भने बाँकी रहेको आयोगले जनाएको छ ।
प्रकाशित मिति: २३ माघ २०८२, शुक्रबार
