२१ फागुनमा अनिष्ट छ, चुनाव हुँदैन भन्ने ज्योतिष पक्राउ

काठमाडौं । फागुन २१ मा अनिष्ट छ, चुनाव हुँदैन भन्ने अभिव्यक्ति दिने ज्योतिष पक्राउ परेका छन् ।

जिल्ला प्रहरी परिसर काठमाडौंका अनुसार पक्राउ पर्नेमा ज्योतिष रुद्रनाथ अधिकारी हुन् ।

उनलाई चन्द्रागिरीबाट पक्राउ गरिएको हो । ज्योतिष अधिकारीले २१ फागुनमा अनिष्ट छ, चुनाव हुँदैन भन्ने अभिव्यक्ति दिएका थिए ।

काठमाडौं उपत्यका अपराध अनुसन्धान कार्यालयले उनलाई सोमबार साँझ पक्राउ गरेर परिसरमा बुझाएको हो । अहिले उनी परिसर काठमाडौंको हिरासतमा छन् ।