पेट्रोलियम पदार्थको मूल्य फेरी घट्यो
काठमाडौं, भदौ १५
पेट्रोलियम पदार्थको मूल्य घटेको छ । नेपाल आयल निगमले पेट्रोल, डिजेल, मट्टीतेल र खाना पकाउने एलपी ग्यासको मूल्य घटाएको हो ।
निगमले पेट्रोलमा दुई रुपैयाँ ५० पैसा, डिजेलमा दुई रुपैयाँ, मट्टीतेलमा दुई रुपैयाँ र खाना पकाउने एलपी ग्यासमा प्रति सिलिन्डर ३५ रुपैयाँ मूल्य घटाएको हो । निगमाको मंगलबार बेलुका बसेको बैठकले मूल्य घटाउने निर्णय गरेको हो ।
मूल्य घटेसँगै पेट्रोल अब एक लिटरको एक सय चार रुपैयाँ पर्छ भने डिजेल र मट्टीतेलको एक लिटरको ८२ रुपैयाँ पर्ने भएको छ । घटेको मूल्य मंगलबार राति १२ बजेपछि लागु हुने निगमले जनाएको छ । यसअघि गएको साउन १७ गते पनि निगमले मूल्य घटाएको थियो ।
प्रकाशित मिति: १५ भाद्र २०७२, मंगलबार
