रहस्यमय बन्दै धामी हत्या, २४ जना बढी पक्राउ
धादिङ, साउन ९
गत शनिवार गाउँलेको कुटाइबाट हत्या गरिएको भनिएको घटना रहस्यमय बन्दै गएको छ ।
सदरमुकाम धादिङबेसीबाट २ दिनको पैदल दुरीमा रहेको गंगा–जमुना गाउँपालिका–२ को लताव गाउँमा शनिवार २ स्थानीय धामी ६५ वर्षीय साइँला तामाङ र ५५ वर्षीय नरुङ्ग तामाङको स्थानीयबासीको कुटाइबाट मृत्यु भएको थियो ।
गाउँलेको सामुहिक कुटाइपछि ज्यान गुमाएका भनिएका २ धामीको शव तत्कालै जलाएपछि मात्रै घटना बाहिर आएको हो । अन्नपूर्णमा खबर छ ।
घटनाको अनुसन्धानको लागि खटिएको प्रहरी टोली स्थलगत अनुसन्धान गरेर फर्किएको छ ।
अनुसन्धानका क्रममा २४ जना भन्दा धेरै स्थानीयलाई नियन्त्रणमा लिइ जिल्ला सदरमुकाम ल्याइएको जिल्ला प्रहरी कार्यलय धादिङले जनाएको छ ।
प्रकाशित मिति: ९ श्रावण २०७५, बुधबार
