प्रधानमन्त्रीको सम्बोधनले राजपा दुई धारमा, यस्तो छ कारण



काठमाडौं, भदौ ७
प्रधानमन्त्री केपी शर्मा ओलीले प्रदेश नम्बर २ को प्रदेशसभा बैठकमा गरेको सम्बोधनले राजपा दुई धारमा उभिएको छ ।

कतिपय सांसदले उनको सम्बोधनको स्वागत गरेका छन् भने कतिपयले विरोध गर्दै जरिवाना तिराउनुपर्ने आवाज उठाएका छन् । नयाँ पत्रिकामा खबर छ ।

राजपाका सचेतक परमेश्वर साह र राष्ट्रिय सभा सदस्य वृजेश लालले प्रदेश प्रमुखबाहेक प्रदेश सभा सदस्य नभएको व्यक्तिले प्रदेश सभा सम्बोधन गर्न नपाउने बताउँदै प्रधानमन्त्रीलाई जरिवाना तिराउनुपर्ने तर्क गरे । जसले गर्दा राजपा विवादमा फसेको छ ।

कतिपय सदस्यले पार्टी संयोजक महन्थ ठाकुरले दोहोरो चरित्र देखाएर जानाजान विवाद जन्माएको आरोप लगाएका छन् । केन्द्रमा प्रधानमन्त्री ओलीनिकट रहने र प्रदेशमा पनि आफ्ना सदस्यमार्फत विरोध गर्न लगाउने दोहोरो चरित्र ठाकुरले देखाएको आरोप उनीमाथि छ ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2021 Deshko News