एक सातामै ३६ करोड रुपैयाँ कर छली ! यस्तो रहेछ धन्दा
काठमाडौं, असोज १
नक्कली भ्याट बिल, अन्तशुल्क, र भन्सार छलीका तीन मुद्दामा राजस्व अनुसन्धान विभागले एक सातामै ३६ करोड रुपैयाँ कर छलीको मुद्दा दायर गरेको छ । विभागले विगो दाबीसहित अदालतमा मुद्दा दायर गरेको हो । नयाँ पत्रिमा खबर छ ।
विभागकाअनुसार नक्कली भ्याट बिलमा २२ करोड २६ लाख रुपैयाँ छली भएको भन्दै काठमाडौं जिल्ला अदालतमा मुद्दा दायर गरिएको छ । यस्तै, अन्तशुल्कबाट साढे १२ करोड रुपैयाँ छली भएको छ । जुन मुद्दा बारा जिल्लामा दर्ता गरिएको छ ।
यस्तै, ३० लाख रुपैयाँ भन्सार छलीमा देखिएको छ । यस सम्बन्धी मुद्दा कपिलबस्तु जिल्ला अदालतमा दायर गरिएको विभागले जनाउको छ ।
प्रकाशित मिति: २ आश्विन २०७६, बिहिबार
