इलाकाको आधारमा स्थानीय निकायको पुनर्संरचना गर्न प्रमुख तीन दल सहमत



kp-oli-prahanda-and-daubaकाठमाडौं, असोज १७ । इलाकाको आधारमा स्थानीय निकायको पुनर्संरचना गर्न प्रमुख तीन सहमत भएका छन् ।

दसैंको मुखमा सोमबार सिंहदरबारमा बसेको प्रमुख तीन दल कांग्रेस, एमाले र माओवादी केन्द्रका शीर्ष नेताहरुको बैठकमा तोकिएको समयभित्र चुनाव गर्नको लागि इलाकालाई आधार मानेर स्थानीय तह पुनर्संरचना गर्ने सहमति भएको हो ।

बैठकपछि सञ्चारकर्मीहरुसँग कुरा गर्दै कांग्रेस सभापति शेरबहादुर देउवाले स्थानीय तहको पुनर्संरचना गर्दा इलाकालाई आधार बनाउने सहमति भएको जानकारी दिनुभयो ।

यस्तै बैठकमा सहभागी एमाले उपाध्यक्ष भीम रावलले स्थानीय तहको पुनर्संरचना गर्न तोकिएको समयमा चुनाव सम्पन्न गर्नका लागि पार्टीको निर्णयअनुसार संख्यामा लचिलो बन्ने सहमति भएको बताउनुभयो ।

बैठकबाटै प्रमुख दलले इलाकालाई आधार मानेर स्थानीय निकायको संख्या बनाउन र संरचना गर्न स्थानीय तह पुनर्संरचना आयोगलाई आग्रह समेत गरेका छन् ।

एमाले उपाध्यक्ष रावलका अनुसार आयोगलाई कात्तिक महिनाभित्र प्रतिवेदन बुझाउन आग्रह गरिएको छ ।

बैठकमा एलडिओको सरुवाहरुलाई रोक्नका लागि एमालेले आग्रह गरेको थियो । आग्रह अनुसार प्रधानमन्त्रीले एलडिओको सरुवा रोक्न पहल गर्ने आश्वासन दिनुभएको एमाले उपाध्यक्ष रावलले जानकारी दिनुभयो ।

बैठकमा प्रधानमन्त्री प्रचण्ड, कांग्रेस सभापति शेरबहादुर देउवा, एमाले उपाधयक्ष भीम रावल र पुनर्संरचना आयोगका पदाधिकारी सहभागी हुनुहुन्थ्यो ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News