मुल पुजारी र काका काकीको हातबाट टीका ग्रहण गरिन् राष्ट्रपति भण्डारीले
![](https://www.deshkonews.com/wp-content/uploads/2016/10/tika.jpg)
काठमाडौं, असोज २५
राष्ट्रपति विद्यादेवी भण्डारीले राष्ट्रपति भवन शीतल निवासमा आज बिहान ०८ः४५ बजेको शुभसाइतमा हनुमानढोका दसैँघरका मूल पुजारी देवराज अर्यालबाट विजयादशमीको टीका लगाएकी छन् ।
सोही अवसरमा राष्ट्रपति भण्डारीले उनका काका काकी खगेन्द्र पाण्डे र ज्ञानु पाण्डे तथा जयन्त पाण्डे र सावित्री पाण्डेको हातबाट पनि विजयादशमीको टीका तथा जमरा ग्रहण गरेकी थिइन् ।
त्यस्तै राष्ट्रपतिले दिउँसो १ बजेदखि २ बजेसम्म मन्त्रीहरु, राजनीतिक दलका नेता, सांसद, संवैधानिक निकायका प्रमुख, राष्ट्रसेवक कर्मचारी, नेपाली सेना, सशस्त्र प्रहरीका इच्छुक अधिकृतलाई र दिउँसो २ बजे देखि सर्वसाधारणलाई टीका लगाइदिने कार्यक्रम रहेको राष्ट्रपतिको सचिवालयले जनाएको छ ।
प्रकाशित मिति: २५ आश्विन २०७३, मंगलबार