पूर्वराजा लक्षित वामदेवको टिप्पणी – गद्दीमा बस्न खोज्नेले व्यवस्थामाथि प्रहार गर्न खोज्दैछन्
काठमाडौं । राष्ट्रिय सभा सदस्य वामदेव गौतमले अहिलेको व्यवस्थामाथि प्रहार गर्नेलाई नियन्त्रण गर्न कानुन बनाउनैपर्ने बताएका छन् ।
सोमबार राष्ट्रिय सभा बैठकमा सरकारको नीति तथा कार्यक्रममाथिको छलफलमा गौतमले फेरि पनि गद्दीमा बस्न खोज्नेले विभिन्न षड्यन्त्र गर्न खोजेको भन्दै अहिलेको व्यवस्थामाथि प्रहार गर्नेलाई नियन्त्रण गर्न कानुन बनाउनैपर्ने बताएका हुन् ।
संविधानमा उल्लेख समाजवादभन्दा अन्य व्यवस्थामा जान नसकिने उनले बताए । सरकारको नीति तथा कार्यक्रमलाई आफूले आलोचनात्मक समर्थन गर्ने उनको भनाइ थियो ।
प्रकाशित मिति: २२ बैशाख २०८२, सोमबार
