प्रतिपक्षी दलहरूले हल्ला गरे जस्तो गठबन्धनमा समस्या छैन् : कृष्णप्रसाद सिटौला

काठमाडौं । नेपाली कांग्रेसका नेता एवं राष्ट्रियसभाका सांसद कृष्णप्रसाद सिटौलाले प्रचण्डले कांग्रेसलाई धोका दिएको बताएका छन् ।

बुधबार नेपाली काँग्रेस रामेछाप नगरपालिकाको नगर सम्मेलनलाई सम्बोधन गर्नेक्रममा उनले यस्तो बताएका हुन् ।

उनले प्रचण्डले धोका दिएकै कारण वर्तमान सरकार निर्माण भएको बताए ।

नेपाली काँग्रेसले पूर्णरुपमा समर्थन गरेर वर्तमान सरकार निर्माण भएकोले काँग्रेसबाट विश्वासघात नहुने सिटौलाको भनाई छ ।

आगामी निर्वाचनसम्म नेपाली काँग्रेस र एमालेबीच भएको सहमतिअनुसार नै गठबन्धन कायम रहने उनले बताए ।

प्रतिपक्षी दलहरूले हल्ला गरे जस्तो गठबन्धनमा समस्या नभएको सिटौलाले बताए ।