नेपालको संसद पद निलम्वनमा परेपछि नेकपा एसले भन्यो – ओलीको निर्देशनमा मुद्दा दायर गरियो

काठमाडौं । नेकपा एकीकृत समाजवादी (नेकपा एस)का वरिष्ठ उपाध्यक्ष राजेन्द्र पाण्डेले पार्टी अध्यक्ष माधवकुमार नेपालविरुद्ध प्रधानमन्त्री केपी शर्मा ओलीको निर्देशनमा अख्तियारले विशेष अदालतमा मुद्दा दायर गरेको आरोप लगाएका छन् ।

पार्टी अध्यक्ष नेपालविरुद्ध दर्ता भएको भ्रष्टचार मुद्दा पूर्वाग्रह प्रेरित भएको उनको भनाई थियो ।

अख्तियारमा मुद्दा चलाउन नपर्ने चिठ्ठी पहिले नै दिइसकेकाले अहिले मुद्दा दायर हुनु पुर्वाग्रह नै भएको उनको दावि छ ।

पार्टीको बैठक बसेर थप धारणा सार्वजनिक गरिने बताउँदै पाण्डेले अख्तियारले तामेलीमा राखेको विषयमा अहिले मुद्दा पर्नुमा प्रधानमन्त्री ओलीकै हात रहेको दावी गरे ।