कुवेतमा रहेका ४८ हजार नेपाली महिला कामदारमध्ये अधिकांश ‘इलिगल’ – परराष्ट्रमन्त्री राणा
काठमाडौं । परराष्ट्रमन्त्री डा.आरजु राणा देउवाले नेपालबाट घरेलु कामदारको रुपमा महिला खाडी मुलुक जाने क्रम नरोकिएको बताएकी छन् ।
शुक्रबार प्रतिनिधिसभा अन्तर्गतको अन्तर्राष्ट्रिय सम्बन्ध समितिमा बोल्दै उनले यस्तो बताएकी हुन् ।
कुवेतमा मात्रै ४८ हजार नेपाली महिला कामदार रहेको जानकारी गराउँदै उनले भनिन्, ‘महिला घरेलु कामदार नपठाउने भनेर रोक लगाएपनि इलिगल रूपमा त्यहाँ पुग्नुभएको छ ।’
महिला घरेलु कामदारमा पहिला लिगल भएर गएका सुरक्षित रहेको र अहिले इलिगल जाँदा समस्यामा रहेको उनले बताइन् ।
प्रकाशित मिति: ३० जेष्ठ २०८२, शुक्रबार
