गोरखामा आवश्यक बजेट नदिएको भन्दै कांग्रेस सांसद बजगाईंले गरे संसद् बैठकमै विरोध

काठमाडौं । सत्तारुढ दल नेपाली कांग्रेसका सांसद राजेन्द्र बजगाईंले प्रतिनिधिसभा बैठकमा बाल्कोनीमा उभिएर बजेटको विरोध गरेका छन् ।

आइतबार बसेको प्रतिनिधिसभा बैठकमा सांसद बजगाईंले भौत्तिक पूर्वाधार मन्त्रालयले आफ्नो जिल्लामा आवश्यक बजेट नदिएको भनेर विरोध स्वरुप बाल्कोनीमा उभिएर विरोध जनाएका हुन् ।

सरकारले गोरखामा आवश्यक बजेट नदिएको र हरेक वर्ष विनियोजन हुँदै आएको रकम पनि कटौती भएको उनको गुनासो छ ।

भौतिक पूर्वाधार तथा यातायातमन्त्री देवेन्द्र दाहालप्रति समेत उनको असन्तुष्टि छ ।

पछिल्ला दुई आर्थिक वर्षमा गोरखाका लागि सुनिश्चित गरेको करिब चार दर्जन बजेट शीर्षकहरू भौतिक पूर्वाधारमन्त्रीले काटिदिएको भन्दै अन्यायपूर्ण र दुर्भाग्यपूर्ण भएको उनले बताएका छन् ।