५२औँ वार्षिकोत्सव मनाउँदै लक्ष्मी ग्रुप

काठमाडौँ  । लक्ष्मी ग्रुपले  स्थापनाको ५२औं वर्ष पूरा गरेको छ।

 सन् १९७३ मा ‘लक्ष्मी मिठाई भण्डार’ नामक एउटा सानो पसलबाट सुरु भएको यो यात्रा आज ५२ वर्ष पुग्दा एक ठूलो र सफल व्यावसायिक घराना (कम्पनी) को रूपमा विकसित भएको छ।

विगतका वर्षहरूमा यस ग्रुपले विभिन्न क्षेत्रहरूमा आफ्नो व्यवसाय फैलाएको छ। हाल यसको पोर्टफोलियोमा अटोमोबाइल (साना गाडी, ठूला गाडी र पार्टपुर्जाहरू), इलेक्ट्रोनिक्स, स्टिल, कागज, प्लास्टिक तथा मिठाई उत्पादन गर्ने उद्योगहरू रहेका छन्। पाँच दशकको अवधिमा देशको आर्थिक विकासमा महत्वपूर्ण भूमिका खेल्दै यस ग्रुपले हाल  २ हजार भन्दा बढी व्यक्तिहरूलाई रोजगारी प्रदान गरिरहेको छ।

यस विशेष अवसरमा लक्ष्मी ग्रुपले आफ्नो सामाजिक उत्तरदायित्व अन्तर्गत विभिन्न सामुदायिक कार्यक्रमहरू आयोजना गरेको छ। समुदायको हितका लागि ग्रुपले देशभर रक्तदान कार्यक्रम सञ्चालन गर्‍यो ।

यसका साथै, लक्ष्मी इन्टरकन्टिनेन्टलले धापाखेलस्थित ‘सेल्फ हेल्प ग्रुप फर सेरेब्रल पाल्सी’लाई शैक्षिक सामग्री र अन्य आवश्यक सामानहरू सहयोग गरेको छ ।

त्यस्तै, लक्ष्मी ग्रुप अन्तर्गतको हुण्डाई काठमाडौँले नक्सालस्थित ऐतिहासिक भाटभटेनी मन्दिर परिसरमा सरसफाई कार्यक्रम आयोजना गरी वातावरण संरक्षण र सम्पदा बचाउने कार्यमा आफ्नो ऐक्यबद्धता जनाएको छ।