इजरायल र लेबनानबिच वासिङ्टनमा दोस्रो चरणको वार्ता हुँदै

वासिङ्टन डीसी । इजरायल र लेबनानबिच जारी तनाव कम गर्ने उद्देश्यले बिहीबार वासिङ्टन डीसीमा दोस्रो चरणको वार्ता हुँदैछ । दुवै देशका प्रतिनिधिहरूबिच भइरहेको छलफलले हाल लागू भइरहेको १० दिने युद्धविरामलाई थप लम्ब्याउने सम्भावना रहेको बताइएको छ ।

लेबनानका राष्ट्रपति जोसेफ आउनका अनुसार वार्ताको मुख्य एजेन्डामा इजरायली आक्रमण पूर्ण रूपमा रोक्ने, लेबनानको भूमिबाट इजरायली सेना फिर्ता गर्ने, बन्दीहरूको रिहाइ, अन्तर्राष्ट्रिय सीमासम्म लेबनानी सेनाको तैनाथी र युद्धका कारण क्षतिग्रस्त संरचनाहरूको पुनर्निर्माण प्रक्रिया सुरु गर्ने विषयहरू समावेश छन् ।

यसअघि भएको पहिलो चरणको वार्ताबाट अप्रिल १६ तारिख साँझदेखि लागू हुनेगरी १० दिने अस्थायी युद्धविराम घोषणा गरिएको थियो । अहिलेको वार्ता सोही सहमतिको निरन्तरता र दीर्घकालीन समाधान खोज्ने दिशामा केन्द्रित रहेको जनाइएको छ ।