धरान, असार २०
धरानमा दलहरुको चुनाव चिन्हकै कारण विवाद सृजना भएको छ । मंगलबार निर्वाचन आयोगका गणक कर्मचारी मानबहादुर कार्की र धनकुमार राईलाई मतगणना स्थलबाट निस्काशन गरिएको छ ।

उनीहरुमाथि माओवादी केन्द्रले पाएको ५० मत एमालेको सूचीमा राखेको आरोप छ ।

त्यसैगरी, हँसिया हथौडा चिह्नमा परेको मतलाई हँसिया तारामा परेको भन्दै मालेको सूचीमा राखिदिएको आरोप पनि दलहरुले लगाएका छन् । यहि विवादकै कारण धरानको मतगणना स्थगित भएको छ ।

विवाद समाधान गरेर मतगणना सुचारु गर्नका लागि सहमतीको प्रयास थालिएको छ । त्यसका लागि सर्वदलीय बैठक डाकिएको छ । असन्तुष्ट पक्षले वडा नम्बर ९ र ११ को पुनः मतगणना गरिनुपर्ने माग पनि गरेका छन् ।

प्रकाशित मिति: २० असार २०७४, मंगलबार