एसीसी यू–१९ इस्टर्न क्रिकेटः भुटानविरुद्ध नेपालको सहज जित



काठमाडौं, भदौ २८
मलेसियामा जारी एसीसी यू–१९ इस्टर्न क्रिकेटमा नेपालले भुटानविरुद्ध सहज जित निकालेको छ । यससंगै नेपालले लगातार दोस्रो जित हासिल गरेको छ।


आज विहान भएको खेलमा नेपालले भुटानलाई ९ विकेटले पराजित गरेको छ। भुटानले दिएको ५१ रनको लक्ष्य नेपालले आठ ओभर तीन बलमै पूरा गर्यो । नेपालको इनिङमा आसिफ शेख २३ र अनिलकुमार साह ४ रनमा नटआउट रहे। ओपनर सन्दीप सुनारले २१ रन बनाए ।

भुटानका लागि छिरिङ पेनजोरले एक विकेट लिएका थिए । यसअघि टस जितेर पहिले व्याटिङ गरेको भुटानले २८ ओभरमा सबै विकेट गुमाउँदै ५० रन मात्र बनाउन सक्यो । सो क्रममा नेपालका लागि कप्तान दीपेन्द्र सिंह ऐरीले उत्कृष्ट प्रदर्शन गर्दै ५ विकेट लिएका थिए।

कप्तान दीपेन्द्रले ८ ओभर बलिङ गर्दै २३ रन दिएर ५ विकेट लिए। यस्तै सन्दीप लामिछाने ७ ओभर बलिङ गर्दा ३ मेडन राखेर ७ रन दिदै ४ विकेट लिए। नन्दन यादवले १ विकेट लिए।

भुटानका लागि दुई खेलाडीले मात्र दोहोरो स्कोर बनाउन सके । कप्तान तासी फुन्ट्सोले सर्वाधिक १६ रन बनाए भने ओपनर उग्यन दोर्जीले १३ रन बनाए। यसअघि पहिलो खेलमा नेपालले थाइल्याण्डविरुद्ध २५५ रनको जित निकालेको थियो।

 

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News