काठमाण्डु म्याराथुनमा भोजपुरका प्रतिस्पर्धी के भए ?



काठमाडौं, भदौ ३१
शनिबार भएको ११ औं काठमाण्डु म्याराथुनमा भोजपुरका दुई प्रतिस्पर्धीले १२ औं र आठौं स्थान ओगट्न सफल भएका छन् ।

हजारौ प्रतिस्पर्धीलाई पछि पार्दे पुरुषतर्फ भोजपुर नगरपालिका–२ हैलौछाका रामबहादुर गुरुङले १२ औं स्थान ओगट्न सफल भएका हुन् । त्यस्तै महिलातर्फ षडानन्द नगरपालिका–१० साङपाङकी सुनिता राई ले आठौं स्थानमा आफूलाई उभ्याएकी छिन् ।

२१ किलोमिटर हाफ म्याराथुनमा गुरुङले एक घण्टा २६ मिनेटमा दुरी पार गरेका थिए भने २ घण्टा ५५ मिनेटमा राईले दुरी पुरा गरेकी थिइन ।उनिहरुले शनिबार संसारभरका प्रतिस्पर्धीहरुसँग प्रतिस्पर्धा गरेका हुन् ।

उनिहरुलाई यो प्रतिस्पर्धामा भाग लिनका लागि दाँवाली मिलन क्लब काठमाडौंले समन्वय गरेको छ भने श्रेष्ठ टेलरिङले आर्थिक सहयोग गरेको छ ।

यी दुई प्रतिस्पर्धी गत बैशाख १ गते भोजपुरमा भएको भोजपुर–मैयुङ स्काई रेसका च्याम्पियन हुन् । गुरुङले ३३ किलोमिटर दौड ३ घण्टा २२ मिनेटमा पुरा गरेका थिए भने राईले ५ घण्टा १० मिनेट लगाएकी थिइन ।

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
सम्पादक : अंकुश कुँवर
     
           
facebook
© 2021 Deshko News