काठमाडौं, असोज ४
मेक्सिकोमा मंगलबार गएको शक्तिशाली भूकम्पमा परी कम्तिमा पनि १३० जनाको मृत्यु भएको छ । मंगलबार मेक्सीको सिटीमा भूकम्पबाट कसरी बच्ने भन्ने बारे छलफल गरिरहेका बेला नै भूकम्प गएको हो ।

भूकम्पबाट मृत्यु भएका तथा घाइतको खोजी तथा उद्दार कार्य भइरहेको छ । भूकम्पमा परि विद्यालय गएका बालबालिकाहरु फसेको आशंका गरिएको छ ।

पुएब्ला प्रान्तको एन्टेसिगो नजिकै केन्द्रविन्दु भएको ७.१ रेक्टर स्केलको भूकम्पले राजधानी मेक्सिको सिटीसँगै मोरलियोस र पुएब्ला प्रान्तमा ठूलो क्षति पुगेको छ ।

मेक्सिकोमा यसअघि ३२ वर्षअघि विनाशकारी भूकम्प गएको थियो । जुनबेला १० हजार बढी मानिसले ज्यान गुमाएका थिए । यसै महिना देशको दक्षिणी भागमा ८।१ रेक्टर स्केलको भूकम्प गएको थियो । जसमा ९० जनाको मृत्यु भएको थियो ।

प्रकाशित मिति: ४ आश्विन २०७४, बुधबार