महिलाहरुमा यौन इच्छा बढाउने नयाँ औषधि आएको छ । अमेरिकी सरकारले उक्त औषधिलाई स्वीकृत समेत गरिसकेको छ । औषधिको नियमन गर्ने अमेरिकी निकायले महिलाले प्रयोग गर्ने भ्लेसी नामक भियाग्रालाई स्वीकृत गरेको हो ।

यसको प्रयोगले यौन इच्छा कम भएका महिलामा यौन इच्छा वृद्धि हुनेछ । यसले यौन इच्छासँग जोडिएको मस्तिष्कसँग जोडिएको ‘पाथवे’ लाई सक्रिय बनाउँछ । यो भियाग्रा सेप्टेम्बरदेखि औषधि बजारमा आएको छ ।

बजारमा आएसँगै खरिदविक्री समेत ह्वात्तै बढेको सञ्चारमाध्यमले जनाएका छन् । यसअघिको भियाग्रा एड्डयी प्रयोग गर्दा रक्सी खानु हुँदैनथ्यो । तर भ्लेसी प्रयोग गर्दा रक्सी खान रोक लगाइएको छैन ।

यो औषधि यौन सम्बन्ध कायम गर्नु भन्दा ४५ मिनेट एक डोज लिनुपर्ने चिकित्सकहरुले बताएका छन् । यस्तै, २४ घण्टाभित्र एक डोज भन्दा बढी र महिनामा ८ डोज भन्दा बढी लिन नहुने उनीहरुको सुझाव छ । एजेन्सी