घरको न घाटको भए चिल्ला गढवासी



jhapa-duban

सुरुङ्गा (झापा),  भदौ २३   कनकाई नदीमा आएको बाढीले झापाको शिवशताक्षी नगरपालिका–८ का धर्मानन्दा रिजालको एक बिगाह खेतसहित घर बगाएपछि उहाँ अहिले घरको न घाटको हुनुभएको छ ।

धार्मिक तथा पर्यटकीयस्थल चिल्लागढबाट केही दक्षिणमा रहेको उहाँको घर र एक बिगाह जमिन नदीले कटान गरेपछि उहाँ घरको न घाटको हुनुभएको हो । केही समय अघिसम्म आफैँले उब्जाएको अन्नले घर व्यवहार चलाउँदै आउनुभएका उहाँको अब सम्पत्तिका नाममा पशु मात्र छन् ।
पाँच जनाको परिवारसहित उहाँ अहिले छिमेकीको घरमा बस्तै आउनुभएको छ । “नदी कटानले भएको एक बिगाह खेत पनि बगायो” रिजालले कनकाइ माईको भङ्गालो देखाउँदै भन्नुभयो– ऊ यही नेर थियो मेरो घर ।

वर्षात्मा आएको माई खोलाको बाढीले धार परिर्वतन गरेसँगै कटान तीव्र पारेकाले रिजालसहित तुलसी तिम्सिना, श्रीप्रसाद सुब्बा, लालबहादुर सुब्बा, विष्णुप्रसाद अधिकारी र याममाया पोखरेल छिमेकिको आश्रयमा पुगेका हुन् ।

नदीमा पानीको सतह घटे पनि कटान नरोकिएपछि त्रस्त चिल्लागढवासीमध्ये डम्वर रिजाल, विष्णुमाया रिजाल, मित्रलाल खरेल र छविलाल पोखरेलले घर भत्काउने तयारी गरिरहेका छन् । दिनानुदिन कटान तीव्र भएसँगै स्थानीयले लगाएको धानबालीमा पनि वस्तु चराउन थालेका छन् ।

स्थानीयको शरणमा बसेका उनीहरुले आफूहरुलाई कसैले पनि आर्थिक सहयोग नगरेको बताएका छन् । नेपाल रेडक्रस सोसाइटीले एक-एक थान त्रिपाल र जिल्ला दैवी प्रकोप उद्धार समितिले रु ५÷५ हजारबाहेक अन्य सहयोग कतैबाट नजुटेको तिम्सिनाले बताउनुभयो । “बाढीले घर पनि लाग्यो भएको खेत पनि बगायो” तिम्सिनाले भन्नुभयो– “अब के खाने कहाँ बस्ने ।” रासस

प्रतिक्रिया दिनुहोस्
           
सामाजिक संजालमा हामी
सूचना विभाग, दर्ता प्रमाणपत्र नं. ३८६/०७३-७४
सम्पर्क
देशको मिडिया प्रा.लि. काठमाडौँ, नेपाल
इमेलः [email protected]
फोन : ०१-४१०७६६६
           
संस्थापक / प्रधान सम्पादक : ध्रुब सुबेदी
     
           
facebook
© 2022 Deshko News