बुढीगंगा नगरपालिकाको मेयर-उपमेयरमा एमाले विजयी
![](https://www.deshkonews.com/wp-content/uploads/2022/07/budiganga-nagar2022-05-25-07-50-20.jpeg)
बाजुरा, असार २६
बुढीगंगा नगरपालिकाको मेयर पदमा नेकपा एमालेका रामबहादुर बानियाँ विजयी भएका छन्।
उनले ४ हजार ७ सय ७७ मत प्राप्त गरी विजयी भएका हुन्। उनका निकटतम प्रतिद्वन्दी कांग्रेसका रंगबहादुर खातीलाई १ हजार ३ मतान्तरले पछि पार्दै बानियाँ मेयरमा निर्वाचित भएका हुन्। खातीले ३ हजार ७७४ मत प्राप्त गरे।
यस्तै, उपमेयरमा एमालेकी माया खड्काले ४ हजार ७२७ मत प्राप्त गरी निर्वाचित भएकी छन्। उनका निकटतम प्रतिद्वन्दी रिता शाहीले ३ हजार ७५५ मत प्राप्त गरिन्।
गत बैशाख ३० गते भएको स्थानीय तह निर्वाचनमा धाँधली भएको भन्दै उजुरी परेपछि निर्वाचन आयोगले बिहीबार पुनः निर्वाचन गरेको थियो।
प्रकाशित मिति: २६ असार २०७९, आइतबार